Skip to main content

PRÉGU LORI SALVASAUN - REFLESAUN SOSIO-TEOLOJIA

INTRUDUSAUN

Iha istoria umanidadi nian, iha momentu rua ne'ebé prégu ida sai sasin ba mudansa boot.

Primeiru, iha foho Kalvário, tinan rihun rua liu-ba. Mane ida, naran: Jezus Nazare, hetan préga iha liman no ain ba kruz. Mundu haree ne'e hanesan mate, lakon, no terus ho prégu. Maibé ba fiar Katóliku, prégu ne'e la'os lori mate de'it, maibé lori moris. Hosi kanek prégu nian mak nakloke odamatan salvasaun ba umanidade tomak.

Segundu, iha loron 30 de Agosto de 1999. Povu ki'ik ida iha lorosa'e nian, Povu Maubere, kaer prégu ki'ik ida hodi tu'u kuak suratahan iha referendum. Mundu haré ne'e hanesan asaun simples. Maibé ba Timorense, pregu ne'e la'os atu estraga surat de'it, maibé atu loke dalan ba libertasaun. Hosi kuak pregu nian mak nakloke odamatan ba ukun rasik-an no salvasaun nasional.

II. SIGNIFIKADU PRÉGU

Artigu badak ne'e hakarak halo komparasaun teolojia entre Prégu rua ne'e: Prégu iha Kruz no Prégu iha Referendu.

A. Prégu iha Kruz: Salvasaun hosi Leten

Teolojia hateten: Jezus nia mate la'os asidente. Maibé Nia rasik hili.

• Prégu nu'udar terus: Prégu hatudu terus, terus ne'ebé Jezus simu tan de'it hadomi ita. Nia liman ne'ebé kous ema moras, kuak tanba pregu. Nia ain ne'ebé la'o buka ema ne'ebé lakon, kuak tanba prégu.

• Prégu nu'udar domin: Bain-hira prégu tama iha isin, ran fakar. Ran ne'e mak folin-valor salvasaun nian. Hanesan Bíblia dehan: "Hosi Nia kanek sira ita hetan kura" (Isaias 53:5).

• Rezultadu: Mate lori moris. Kruz ne'ebé uluk sai símbolu tortura, ohin sai símbolu esperansa. Salvasaun mai hosi leten, hosi Maromak ba umanidadi tomak.

B. Prégu iha Referendu 30 de Agosto 1999: Nu'udar Salvasaun hosi Kraik

Sosiolojia no teolojia libertasaun hatete: Maromak servisu mós liu hosi istoria povu nian.

• Prégu nu'udar korajen: Iha tinan 24 nia laran, povu moris iha ta'uk, terus, no mate. Iha 30 de Agosto, maski iha ameasa boot hosi milisia, povu sai ho korajen. Kaer prégu ida la'os atu baku-kuak ema, maibé atu deside futuru rasik. Tu'u kuak ne'e mak aktu fiar nian.

• Prégu nu'udar sakrifisiu: Kuak iha suratahan ne'e selu ho ran-nakfar. Maizumenus rihun atus ida mate, labarik lakon, feto faluk, uma sunu. Sakrifisiu ne'e hanesan ho sakrifisiu Kruz nian. La iha libertasaun ne'ebé la selu ho ran.

• Rezultadu: Kuak ki'ik lori ukun boot.Hosi kuak suratahan ki'ik ida, moris nasaun ida: Timor-Leste. Salvasaun mai hosi kraik ba leten, hosi povu nia desizaun ba istoria mundu foun ida.

C. Komparasaun: Povu Maubere Nia Kruz no Glória

Prégu iha Kruz mak Jezus. Prégu iha Referendum mak Timor. Instrumentu mate nian Instrumentu votasaun.

Mane ida mate ba ema hotu; Povu tomak vota ba jerasaun hotu.

Ran fakar iha Kalvario Ran fakar iha Santa Cruz, Liquiçá, Suai, no fatin hotu Loron tolu hafoin moris-hi'as Tinan tolu hafoin, 20 de Maio 2002, moris-hi'as nu'udar nasaun: Salvasaun Espiritual Salvasaun Istoriku no Nasional.

Jesus nia Prégu lori salvasaun rohan laek. Povu Maubere nia Pregu lori salvasaun rai-nian. Rua ne'e la kontra malu. Tanba ukun rasik-an mós parte ida hosi Maromak nia planu salvasaun. Maromak hakarak ema moris livre, la'os moris hanesan atan.

Hosi ne'e ita bele dehan: Iha 30 de Agosto 1999, Maromak permite povu Timor sai hanesan sinal ida ba umanidadi hotu ne'ebé luta ba nia liberdadi, ba povu nia salvasaun. Hanesan Jezus tenke liu hosi kruz molok to'o iha glória, moris hias.

III. KONKLUZAUN

Prégu rua ne'e hanorin ita buat ida de'it: Salvasaun nunka mosu derepenti, ka tiba-tiba. Maibé liu hosi prosesu naruk: Selu ho matan-be'en no ran!. Ne'e duni:

"La iha salvasaun sein prégu. La iha glória sein kruz. La iha independensia sein sakrifisiu".

Jezus nia pregu iha kruz hatete mai ita: "Ha'u hadomi Ó to'o mate, atu Ó bele moris."

Povu Maubere nia pregu iha 30 de Agosto hatete mai Timor oan: "Ami hadomi rai ida ne'e to'o mate, atu ami nia oan sira bele moris livre."

Ohin loron, bain-hira ita kaer Rosario ne'ebé ita reza ho familia, ita tenke hanoin katak Rosario nia musan ida-idak simboliza prégu musan ne'ebé haterus Jezus ikus lori moris mai ita. No bain-hira ita selebra 30 de Agosto tinan-tinan, ita tenke hanoin katak tu'u kuak suratahan iha momentu ne'ebá hanesan kanek sagradu ida ne'ebé lori salvasaun.

Viva Kristu Redentor! Viva Povu Maubere! Viva Timor-Leste!

Labels:

Comments

Post a Comment

Popular posts from this blog

NOVENA AVE MARIA TOLU

Hakneak, hahú loke Novena ne’e ho: Kredo no Ami Aman ida (Hato’o ita nia pedidu............) Nain feto Maria, Virjen kbi’it-nain, ba ita buat hotu bele deit. Tanba kbi’it ne’ebé Nai Maromak Kbi’it-Nain haraik ba ita. Ho laran no fiar metin, hau husu ita nia tulun iha susar ida ne’e, Inan keta hosik hau mesak. Tanba hau fiar tebtebes katak, Inan sei tulun duni hau. Maski iha susar laran ne’ebé difísil, ne’ebé la iha ona esperansa, ita nafatin sai hau nia mediadora ba ita nia Oan Mane, Jezus Kristu. Tanba Maromak nia Majestade, hau nia hakru’uk ba ita no mós ba hau nia klamar nia salvasaun sei aumenta wain-hira Inan Santa simu hotu hau nia pedidu ne’e. Tanba nia, wain-hira hau nia pedidu ne’e sai lolos duni tuir ita nia Oan Mane nia hakaran, ho laran hau husu, oh Inan Santa Maria, hato’o hela ba, hau nia pedidu hirak ne’e hotu ba ita nia Oan Mane, Kristu Jezus, ne’ebé sei la dudu ses ita hosi Nia Futar-Oin. Hau nia esperansa boot tebetebes ba ita. Tanba kbi’it ne’ebé la i...
Post a Comment
Read more

WANITA MUSLIM SEMBUH SETELAH MELIHAT YESUS

"Saya tidak pernah mengalami hal ini sebelumnya". Seydath (nama fiktif untuk alasan keamanan) tumbuh di sebuah keluarga Muslim miskin di Asia Tengah, yang sering mengalami pelecehan dari ayah tirinya. Pada usia 13, ia diperkenalkan pada seorang Arab tua yang memiliki banyak kekayaan di Timur Tengah. Bahkan dengan enggan, dia dibebaskan untuk menikahi pria itu dan menjadi istri kelimanya, meskipun dia lebih muda dari cucunya. Empat tahun kemudian orang tua itu meninggal dan Seydath dipaksa menjadi pelayan istri-istri lain dan anak-anak mereka. Seiring berlalunya tahun, ia mengalami situasi yang paling sulit dalam kondisi hidupnya. Pada usia 40, Seydath mengalami sakit punggung yang parah dan harus meminta bantuan di rumah sakit setempat. Namun, alasan rasa sakitnya lebih parah dari yang diperkirakan - dia didiagnosis menderita kanker tulang stadium akhir. Seydath harus dirawat di rumah sakit segera, tanpa dukungan dari anggota keluarganya. Selain sakit fisik, ia menjadi...
1 comment
Read more

NOVENA LORON 9 BA SAUN FRANSISKU HOSI ASSIS

                                      H U SU SAUN FRANSISKU HUSI ASSIS NIA TULUN *(Hahu novena ne’e ho halo konfisaun pesoál uluk ba nai-lulik ne'ebé besik ita nia parókia)             Saun Fransisku ne'ebé ami hadomi, uluk ita moris a'at hanesan bandidu no goza ita nia moris tun-sa'e. Maibé, ita bo'ot bele konverte, hahú moris foun ho haraik-an, simples no moris ki'ak tanba Jezus Kristu. Ita nia domin ba Jezus Krusifikadu nebé kle'an no lakan makás, halo Jezus ne’e fó Nia Kanek Lima ba ita nu'udar sinál ita bo'ot nia unifikasaun ho Kristu.              Iha sékulu ida hanesan oras ne’e, ema fó valor liu ba moris edonista, egoista, individualista no materialista, ne’e mak halo ami presiza tebetebes ita bo'ot nia sigredu ne'ebé dada ema feto no mane wain hodi moris tuir i...
2 comments
Read more