SPIRITUAL

Tauk la os forsa nebe mai hosi liur. Tauk nudar forsa invizivel nebe iha ema nia fuan no mental. Mundu né furak duni, maibe mos nakonu ho tentasaun no perigu oioin. Perigu sira né dala barak hatauk ema. Husu tok. Ita nia moris  bele livre hosi tauk? Resposta: depende ba ita nia hahalok. Fiar liu ba kbit mundu nian halo ema nunka hakmatek. Ema nebe la hakmatek tanba nia tauk buat ruma. Nia tauk lakon nia vida, lakon nia kadeira, lakon nia osan, lakon ema nebe nia hadomi. La iha ema ida bele satisfaz ho buat nebe nia iha ona. Insatisfaz mak sempre inkomoda ema. Nia halo ema atu tauk bei-beik hodi duni tuir buat nebe nia seidauk hetan. Wainhira iha tauk hanesan né ema tenki deside atu pára. Pára atu fokus hodi halo diak buat ne’ebe iha ona. Tauk la os forsa nebe mai hosi liur. Tauk nudar forsa invizivel nebe iha ema nia fuan no mental. Tauk nia abut mak dúvidas. Dúvidas destroi, harahun ema nia kbit. Ema duvidez la iha kbit atu fiar-an. Ema nebe la fiar-an, nia nunka fia...