SPIRITUAL

TEISTU Oh Nai Maromak Iha Leten Ás ba, nakonu ho glória tomak, halo nakroman hau fuan-laran nebé nakukun. Nai, haraik mai hau fiar nebé lós, esperansa nebé metin, no domin nebé perfeitu. Oh Nai, haraik ba hau sentimentu nebé bele senti lalais ho buat nebé la lós. Leno hau neon, atu hau bele halao no moris tuir  Ita Boot Nia ukun-fuan hotu nebé halo santu no sei la lori hau ba dalan aat. Amen. KOMENTÁRIU BA TEISTU Manuskritu sira Latina nian nebé hatama orasaun ne’e fó notas katak, orasaun ne’e Fransisku hasae iha kruz oin iha Igreja Saun Damiaun, wainhira husi kruz ne’e nia rona koalia ne’e: Fransisku, ba ona, hadia hau nia uma,   (2Cel 10; LB 2 :1). Tanba ne’e, fó títulu: “Orasaun iha Kruz Oin”. Teistu sira iha manuskritu Latina ne’e , nudar tradusaun husi língua Ital ian a. Autentisidadi Orasaun ne’e iha relasaun ho akontesimentu Saun Damiaun nian nebé nudar akontesimentu grasa ida nebé lolós iha ninia impresaun espesi...