Maromak hosik Pedru atu koko la'o iha tasi-leten, maibé Maromak la hosik nia mout. Maromak hosik Daniel tama iha leaun nia luhan-kuak, maibé Maromak la hosik leaun han nia. Maromak hosik Job lakon buat hotu, maibé Maromak la hosik nia sai-rahun. Lisaun Bíblika ne'e hotu atu hanorin ita katak, Maromak hosik anin-boot, tsunami, rai-nakadoko mosu, maibé Maromak sempre ajuda ita atu ultrapasa susar-bo'ot ne'e hotu. Kaer metin Ó nia fiar no hanoin nafatin katak Maromak koko Ó, to'o Ó sai personalidadi ida ne'ebé maduru liu. Wain-hira Ó maduru ona, Nia sei fó konfiansa ne'ebé bo'ot: Ó nunka imajina. Atu to'o iha ne'ebá, Ó tenki pasiénsia hanesan Pedru, Daniel no Job. Ó hatene Job nia moris ikus sai oin-sá? Ó mós bele sai hanesan nia, hanesan sira. Tanba saida? Tanba Nia hadomi Ó. Ema ne'ebé Maromak hadomi, Nia nunka hosik ema ne'e la'o mesak. Ema ne'e mak se? Ema ne'e mak Ó. Ó iha esperiénsia katak Maromak hadomi Ó? Sim...

Intrudusaun MENSAJEN ispirituál kona-ba Pedru ne'ebé besik mout bain-hira la'o iha tasi leten ba hasoru Jezús, ita bele le'e iha Mateus 14:22-33. Atu kumpriende Mensajens Evanjéliku ne'e, ita tenki le'e uluk teistu Evanjeilu ne'e ho kalma. Tuir mai ita haré hamutuk Mensajens ne'e nia sentidu. Teistu Evanjeilu Jezus haruka ninia disípulu sira atu saʼe ró no hakur tasi enkuantu nia halo orasaun mesak. Bainhira lokraik ona, anin hu'u makaʼas iha tasi, nuneʼe halo disípulu sira-nia ró nakdoko-kuaze mout. Tuir mai Jezus laʼo iha tasi leten hodi hakbesik ba sira. Pedru, ne’ebé fiar iha Jezús, husu lisensa atu la’o iha tasi leten ba hasoru Jezus. Jezus haruka nia la'o mai, no Pedru konsege laʼo iha tasi leten, maibé, la kleur kuandu nia haré anin boot, nia sai taʼuk no komesa mout. Pedru hakilar: “Na’i, salva ha’u!” Jezus lolo kedas liman, kaer Pedru, hodi si'ak nia tan nia fiar ki'ik. Mensajen Ispirituál Mensajens Evanjéliku ida-ne...