Skip to main content

PARÁFRAZE AMI AMAN (PAA)



(Isplikasaun Orasaun Ami Aman Tuir Saun Fransisku Husi Assis)

TEISTU

1Ami Aman nebé santu tebe-tebes, ami nia Halodor, ami nia Hakasudor,
ami nia Salvanain, no Konsolador.

2Nebé iha lalehan:
Iha anju no santu sira,
Ita haroman sira atu sira hatene Ita tanba Ita mak naroman, oh Nai;
Ita halakan sira atu hadomi tanba Ita mak domin, oh Nai.
Ita hela iha sira no hakonu sira atu sira iha ksolok
tanba Ita mak diak liu, oh Nai
Ita diak tinan ba tinan,
Ita mak buat diak tomak nia hun,
la ho Ita laiha buat ida mak diak.

3Hahí Ita naran:
Atu ami hatene Ita mós liu tan,
Atu ami  bele hatene
luan oin-sa Ita nia tulun,
naruk oin-sa Ita nia promesa sira,
Ás oin-sa Ita nia kbiit
no klean oin-sa Ita nia lia-hakotun sira (Kpr Ef 3, 18).

4Halo Ita Nia Reinu tó mai ami:
atu Ita mak ukun ami nia laran tanba ita Nia tulun,
no lori ami tama ba Ita nia Reinu;
iha nebá ami sei hateke Ita ho momós,
sei hadomi Ita ho perfeitu,
sei haksolok hamutuk ho Ita
no sei senti oin-sa Ita furak tinan ba tinan.

5Haraik tulun ba ema atu tuir Ita nia hakarak iha rai nudar iha lalehan:
atu ami hadomi Ita ho laran tomak, ho hanoin nafatin ba Ita;
ho klamar tomak ho hanoin-tebes nafatin Ita;
ho neon tomak ho hatudu ami nia hakarak tomak ba Ita
no hakas-an hawelok ita iha buat hotu; ho ami nia kbiit tomak,
ho hasai ami nia kbiit tomak, ami nia sentimentu isin no klamar tomak
atu adora Ita mesak deit no laos ba buat seluk.
Atu ami hadomi ami maluk sira, hanesan mos ami nia-an rasik,
no dudu sira ho forsa tomak atu hadomi Ita,
no haksolok tanba sira seluk bele sorti hanesan ami rasik hetan sorti,
no triste hamutuk ho sira nebé hetan susar (kpr 2Kor 6, 13),
no la halo ema ida mos monu.

6Haraik aihan loron-loron nian mai ami:
Mak Ita nia Oan doben, ami nia Nai Jezus Kristu,
Haraik mai ami iha loron ne’e;
atu ami bele hanoin-nafatin, hatene-diak, no respeitu
Ita nia domin ba ami no buat hotu nebé Nia hatete ona,
nebé nia halo no Nia terus tiha ona ba ami.

7No haraik perdaun ba ami salan:
tanba Ita nia domin nebé laiha rohan,
tanba kbiit Ita nia Oan doben nia terus,
no tanba Virjen Santa Maria nia kolen no nia harohan dait
no ema hotu nebé Ita hili.

8Nudar ami fó perdua ba ema halo aat ami:
saida mak ami labele fó perdua hotu,
oh Nai, halo ami atu bele fó perdua hotu;
atu ami hadomi lolós ami nia funu-maluk tanba Ita
no ho devosaun harohan ba sira iha Ita oin,
no la selu ema ida nia aat ho aat ida mos (kpr 1Tes 5, 15),
maibé hakas-an halo saida deit mak diak ba ema hotu-hotu iha Ita.

9No keta halo ami monu-tama ba tensaun:
nebé la haré ka nebé bele haré,
nebé tekitekir ka nebé nia tempu la hatene lós.

10Maibé hasai ami husi buat aat:
nebé liu ona, oras ne’e, no nebé sei mai.
Glória ba Aman, no Oan no Espíritu Santu
nudar horik uluk, oras ne’e,
tinan ba tinan nafatin. Amen.



KOMENTÁRIU BA TEISTU

         Autentisidadi
Iha peskizasaun foun, husi obra hotu nebé konsidera mai hsi Fransisku, IOAA debate barak liu konaba ninia serteza. Buat ne’e akontese, karik tanba labele haketak entre nia autentisidadi no nia orizinalidadi. Fransisku ninia eskrita sira seluk mos valorizadu auténtiku katak, Fransisku ninian duni. Maski laos orijinál, katak laos obra nebé Fransisku rasik halo. Maibé nia sita-hasai husi fonte seluk. Obra sira hanesan ne’e mak: LM, LT ho KM. Hanesan ne’e mos IOAA tenki hatama iha grupu ne’e.
Laos parte hotu-hotu no nia formulasaun nudar obra orijinál Fransisku nian. Nia uza izemplu seluk hodi forma ninia orasaun. Maibé esplikasaun ne’e hanesan ho ninia espíritu, no parte balu mos nia rasik mak hakerek. Baluk sira nebé nia sita-sai husi fonte seluk ne’e, nia halo hotu nudar ninian rasik no nia fó signifikadu tuir nia hakarak ho adisionál sira nebé hanesan. Ne’e duni parte balu la orijinál, maibé auténtiku nafatin. Tanba ne’e, orasaun ne’e bele hatama iha grupu Fransisku ninia obra.

Tempu hakerek no nia relasaun ho eskrita seluk


Konaba ninia tempu hakerek labele hatete buat ida. La iha  informasaun husi sasin liur, no teistu ne’e rasik la fó indikasaun ida mos atu bele kalkula ninia tempu nebé izatu.
Debate mos katak, IOAA nudar unidadi ida ho LM ka hamrik mesak. Iha ema balu kaer nia opiniaun katak, iha unidadi entre orasaun sira ne’e (LEMMENS) iha mos seluk nebé kontráriu (BOEHMER). SABATIER haré katak IOAA  iha unidadi ho LT ho LM tanba iha orasaun rua ikus ne’e, temi dala barak: Ami nia Aman nebé Santu Tebes sllt. no Ami Aman nebé Santu Tebes iha lalehan. Debate ne’e nakloke nafatin tanba La iha  baze nebé forte. 
Oin nusa mos, IOAA nudar testemuña fólin boot ida ba espiritualidadi, devosaun no Fransisku ninia relasaun nebé konkretu ho Aman.



Labels:

Comments

Post a Comment

Popular posts from this blog

NOVENA AVE MARIA TOLU

Hakneak, hahú loke Novena ne’e ho: Kredo no Ami Aman ida (Hato’o ita nia pedidu............) Nain feto Maria, Virjen kbi’it-nain, ba ita buat hotu bele deit. Tanba kbi’it ne’ebé Nai Maromak Kbi’it-Nain haraik ba ita. Ho laran no fiar metin, hau husu ita nia tulun iha susar ida ne’e, Inan keta hosik hau mesak. Tanba hau fiar tebtebes katak, Inan sei tulun duni hau. Maski iha susar laran ne’ebé difísil, ne’ebé la iha ona esperansa, ita nafatin sai hau nia mediadora ba ita nia Oan Mane, Jezus Kristu. Tanba Maromak nia Majestade, hau nia hakru’uk ba ita no mós ba hau nia klamar nia salvasaun sei aumenta wain-hira Inan Santa simu hotu hau nia pedidu ne’e. Tanba nia, wain-hira hau nia pedidu ne’e sai lolos duni tuir ita nia Oan Mane nia hakaran, ho laran hau husu, oh Inan Santa Maria, hato’o hela ba, hau nia pedidu hirak ne’e hotu ba ita nia Oan Mane, Kristu Jezus, ne’ebé sei la dudu ses ita hosi Nia Futar-Oin. Hau nia esperansa boot tebetebes ba ita. Tanba kbi’it ne’ebé la i...
Post a Comment
Read more

NOVENA LORON 9 BA SAUN FRANSISKU HOSI ASSIS

                                      H U SU SAUN FRANSISKU HUSI ASSIS NIA TULUN *(Hahu novena ne’e ho halo konfisaun pesoál uluk ba nai-lulik ne'ebé besik ita nia parókia)             Saun Fransisku ne'ebé ami hadomi, uluk ita moris a'at hanesan bandidu no goza ita nia moris tun-sa'e. Maibé, ita bo'ot bele konverte, hahú moris foun ho haraik-an, simples no moris ki'ak tanba Jezus Kristu. Ita nia domin ba Jezus Krusifikadu nebé kle'an no lakan makás, halo Jezus ne’e fó Nia Kanek Lima ba ita nu'udar sinál ita bo'ot nia unifikasaun ho Kristu.              Iha sékulu ida hanesan oras ne’e, ema fó valor liu ba moris edonista, egoista, individualista no materialista, ne’e mak halo ami presiza tebetebes ita bo'ot nia sigredu ne'ebé dada ema feto no mane wain hodi moris tuir i...
2 comments
Read more

WANITA MUSLIM SEMBUH SETELAH MELIHAT YESUS

"Saya tidak pernah mengalami hal ini sebelumnya". Seydath (nama fiktif untuk alasan keamanan) tumbuh di sebuah keluarga Muslim miskin di Asia Tengah, yang sering mengalami pelecehan dari ayah tirinya. Pada usia 13, ia diperkenalkan pada seorang Arab tua yang memiliki banyak kekayaan di Timur Tengah. Bahkan dengan enggan, dia dibebaskan untuk menikahi pria itu dan menjadi istri kelimanya, meskipun dia lebih muda dari cucunya. Empat tahun kemudian orang tua itu meninggal dan Seydath dipaksa menjadi pelayan istri-istri lain dan anak-anak mereka. Seiring berlalunya tahun, ia mengalami situasi yang paling sulit dalam kondisi hidupnya. Pada usia 40, Seydath mengalami sakit punggung yang parah dan harus meminta bantuan di rumah sakit setempat. Namun, alasan rasa sakitnya lebih parah dari yang diperkirakan - dia didiagnosis menderita kanker tulang stadium akhir. Seydath harus dirawat di rumah sakit segera, tanpa dukungan dari anggota keluarganya. Selain sakit fisik, ia menjadi...
1 comment
Read more