Skip to main content

ORASAUN IHA KRUZ OIN IHA S. DAMIAUN (OKOSAD)



TEISTU

Oh Nai Maromak Iha Leten Ás ba, nakonu ho glória tomak, halo nakroman hau fuan-laran nebé nakukun. Nai, haraik mai hau fiar nebé lós, esperansa nebé metin, no domin nebé perfeitu. Oh Nai, haraik ba hau sentimentu nebé bele senti lalais ho buat nebé la lós. Leno hau neon, atu hau bele halao no moris tuir  Ita Boot Nia ukun-fuan hotu nebé halo santu no sei la lori hau ba dalan aat. Amen.

KOMENTÁRIU BA TEISTU

Manuskritu sira Latina nian nebé hatama orasaun ne’e fó notas katak, orasaun ne’e Fransisku hasae iha kruz oin iha Igreja Saun Damiaun, wainhira husi kruz ne’e nia rona koalia ne’e: Fransisku, ba ona, hadia hau nia uma,  (2Cel 10; LB 2:1). Tanba ne’e, fó títulu: “Orasaun iha Kruz Oin”. Teistu sira iha manuskritu Latina ne’e, nudar tradusaun husi língua Italiana.


Autentisidadi

Orasaun ne’e iha relasaun ho akontesimentu Saun Damiaun nian nebé nudar akontesimentu grasa ida nebé lolós iha ninia impresaun espesiál ba Fransisku. Akontesimentu ne’e ható, tantu husi Tómas Celano, Boaventura, no husi  Belun Nain Tolu (Três Companheiros). La iha  dúvida katak, tuir mai Fransisku haktuir istória ne’e ba ninia belun sira, hanesan lolós Boaventura hatete (LB 2:1; LK 1:5).

Teistu orasaun ne’e rasik mos fó baze ba orasaun ne’e nia autentisidadi. Virtudi divina tolu: fiar, laran-metin no domin, nudar buat prinsipál tolu nebé hakerek nain sira iha sékulu-médiu no períodu antes debate ho naruk (Agustinho no Pedro Lombardo). Karik Fransisku mos hetan influénsia husi situasaun ne’e, no nia reza ho buat prinsipál sira ne’e. Tema nebé hanesan ita hasoru mos iha ninia eskrita sira seluk, hanesan iha: R1. 23: 11 no iha Mamosek ba Maromak nebé nia hakerek rasik iha fóho La Verna: “Ita duni mak ami nia domin” (MM 6). Momós lós  katak, orasaun ne’e hanesan lós ho Fransisku nia santidadi.
Tempu hakerek

   Notísia sira nebé manuskritu sira ható katak, orasaun ne’e Fransisku duni mak reza wainhira nia simu menjazen husi kruz Saun Damiaun, nudar indikasaun hodi kálkula ninia tempu kompoin nian. Akontesimentu ne’e karik bele hatama iha tinan 1206, karik fulan Janeiru (A.TERZI). Nebé, orasaun ne’e karik halo tiha ona iha ninia tempu meditasaun sira antes akontesimentu ne’e. Tanba ne’e, tenki koloka iha tinan 1205/1206.

Ne’e duni, orasaun ne’e nudar rohan no dikin husi Fransisku ninia obra tomak. Obra ne’e ninia isin fó sai katak, iha momentu wainhira nia hahú buka Maromak iha ninia luta tomak, Fransisku tama ona ba Maromak ninia mistériu sira ho klean.

Labels:

Comments

Post a Comment

Popular posts from this blog

NOVENA AVE MARIA TOLU

Hakneak, hahú loke Novena ne’e ho: Kredo no Ami Aman ida (Hato’o ita nia pedidu............) Nain feto Maria, Virjen kbi’it-nain, ba ita buat hotu bele deit. Tanba kbi’it ne’ebé Nai Maromak Kbi’it-Nain haraik ba ita. Ho laran no fiar metin, hau husu ita nia tulun iha susar ida ne’e, Inan keta hosik hau mesak. Tanba hau fiar tebtebes katak, Inan sei tulun duni hau. Maski iha susar laran ne’ebé difísil, ne’ebé la iha ona esperansa, ita nafatin sai hau nia mediadora ba ita nia Oan Mane, Jezus Kristu. Tanba Maromak nia Majestade, hau nia hakru’uk ba ita no mós ba hau nia klamar nia salvasaun sei aumenta wain-hira Inan Santa simu hotu hau nia pedidu ne’e. Tanba nia, wain-hira hau nia pedidu ne’e sai lolos duni tuir ita nia Oan Mane nia hakaran, ho laran hau husu, oh Inan Santa Maria, hato’o hela ba, hau nia pedidu hirak ne’e hotu ba ita nia Oan Mane, Kristu Jezus, ne’ebé sei la dudu ses ita hosi Nia Futar-Oin. Hau nia esperansa boot tebetebes ba ita. Tanba kbi’it ne’ebé la i...
Post a Comment
Read more

OIN-SA HAHÍ NAIN FETO MARIA

- SAUDASAUN BA VIRJEN SANTA MARIA (SVSM) -                                   (Hahí Inan   Virjen Maria) TEISTU 1 Salve, Inan santa Liurai-Feto, Maromak Nia Inan Santa, Maria, virjen nebé hanesan no tanba Igreja. 2 Aman Santu Liu iha lalehan hili nia, no hasanta nia hamutuk ho Nia Oan Mane Santu Tebes no Espíritu Santu Masolok.        3 Iha ita-an hori-otas no tó oras ne’e nakonu ho grasa wain-basuk no buat kdiak tomak. 4 Salve, Maromak Nia hela fatin! Salve, Maromak Nia tabernákulu! Salve, Maromak Nia uma! 5 Salve, Maromak Nia hatais! Salve, Maromak Nia inan! 6 No imi, virtudi santa sira hotu, nebé tanba grasa no Espíritu Santu nia-roman tun ba ema fiar nain sira nia fuan-laran, hodi halo sira nebé fiar-la metin sai fiar-metin ba Maromak.   KOMENTÁRIU ...
Post a Comment
Read more

NOVENA LORON 9 BA SAUN FRANSISKU HOSI ASSIS

                                      H U SU SAUN FRANSISKU HUSI ASSIS NIA TULUN *(Hahu novena ne’e ho halo konfisaun pesoál uluk ba nai-lulik ne'ebé besik ita nia parókia)             Saun Fransisku ne'ebé ami hadomi, uluk ita moris a'at hanesan bandidu no goza ita nia moris tun-sa'e. Maibé, ita bo'ot bele konverte, hahú moris foun ho haraik-an, simples no moris ki'ak tanba Jezus Kristu. Ita nia domin ba Jezus Krusifikadu nebé kle'an no lakan makás, halo Jezus ne’e fó Nia Kanek Lima ba ita nu'udar sinál ita bo'ot nia unifikasaun ho Kristu.              Iha sékulu ida hanesan oras ne’e, ema fó valor liu ba moris edonista, egoista, individualista no materialista, ne’e mak halo ami presiza tebetebes ita bo'ot nia sigredu ne'ebé dada ema feto no mane wain hodi moris tuir i...
2 comments
Read more