Skip to main content

OFISIU NAI JESUS KRISTU NIA TERUS (ONJKT - IV)





PARTE DA' HAT

Iha tempu Nai nia Adventu

Salmu sira ne’e mos ita nia aman Saun Fransisku mak forma, nudar troka salmu sira husi Ita Nai Jezus nia terus iha leten, hahu husi tempu Nai nia Adventu tó vijilia Natal deit.


Ba ofisiu Kompletas

Antifona: Virjen Santa Maria.

Salmu 13

1Tó bainhira tan, Nai,
Ita haluha hela deit hau*
tó bainhira tan Ita hases Ita oin husi hau? (Sal 12, 1).

2Tó bainhira hau tenki rai moras ne’e iha hau nia laran*
no laran-susar duranti loron tomak? (Salmu 12, 2).  

3Tó bainhira tan hau nia funu-maluk foti-an hasoru hau?
hateke mai no rona hau ba, oh Nai, hau nia Maromak! (Sal 12, 4).

4Fó naroman ba hau nia matan,
atu hau la hatoba-an iha mate laran*
atu hau nia funu-maluk sira la dehan:
“Hau halakon tiha nia ona.” (Sal 12, 4).

5Hau nia funu-maluk sira haklalak wainhira hau atu monu ba rai*
maibe iha Ita nia fuan-domin, hau tau laran metin (Sal 12, 5).

6Hau nia fuan hakarak hananu-haksolok tanba Ita nia salvasaun;
hau hakarak hananu ba Nai,
tanba Nia halo ona buat diak mai hau*
lós duni, hau hakarak hasalmu ba Nai Leten Ás nia naran (Sal 12, 6).



Ba ofisiu Matutinas

Antifona: Virjen Santa Maria.

Salmu 14

1Hau hakarak fó obrigadu ba Ita, oh Nai,
Aman Santu Liu, liurai lalehan no rai*
tanba ita fó ksolok hau ( Is 12, 1; Mat 11, 25).

2Ita mak Maromak, hau nia salvanain*
hau hakarak lao ho fiar-an tomak no la hakfodak (Is 12, 2).

3Nai mak hau nia kbiit no hau nia murak*
Nia nudar hau nia salvasaun (Sal 117, 14).

4Nai, Ita nia liman lós kmók lós tanba Ita nia kbiit,
Ita nia liman lós, Nai, harahun funu-maluk*
ho Ita nia soberanu nebé boot
Ita harahun hau nia funu-maluk sira (Ex 15, 6-7).

5Hai ema kiak sira, haré ba, no haksolok ba*
buka Maromak ba, no imi nia laran sei moris (Sal 68, 33).

6Husik ba lalehan no rai hahí Nia*
tasi no buat hotu nebé moris iha nia laran (Sal 68, 35).

7Tanba Maromak sei salva Siaun*
no sei harí sidadi sira Judeia nian (Sal 69, 36).

8Nune’e ema hotu sei hela iha nebá*
no sira sei simu nia nudar sira nia liman-rohan (Sal 68, 36).

9No Nia atan sira nia bei-oan sei foti Siaun*
sira nebé hadomi Nia naran sei iha hela nebá (Sal 68, 37).



Ba ofisiu Prima

 Antifona: Virjen Santa Maria.

Salmu: Sadia hau, oh Maromak, sadia hau … (Salmu 3: hanesan iha leten).


Ba ofisiu Tertia

Antifona: Virjen Santa Maria.

Salmu: Povu tomak rai klaran, tebe no dahur ba Nai..(Salmu 10: hanesan iha leten).


Ba ofisiu Sesta

Antifona: Virjen Santa Maria.

Salmu: Maromak sei rona Ó...(Salmu 11: hanesan iha leten).


Ba ofisiu Nona

Antifona: Virjen Santa Maria.

Salmu: Iha Ita, oh Nai, hau laran-metin...(Salmu 12: hanesan iha leten).


Ba ofisiu Vésperas

Antifona: Virjen Santa Maria.

Salmu: Povu tomak...(Salmu 7: hanesan iha leten).


Notas:
La presiza atu reza salmu sira ne’e hotu, maibé tó iha versíkulu: Husik mundu tomak nakdedar iha Nia oin; maibé versíkulu:   hasae imi nia isin ba tenki reza hotu. Hafoin versíkulu sira ne’e, kontinua ho reza kedas: Glória ba Aman. Reza nune’e loron-loron, iha tempu vésperas, hahu Adventu tó vijilia Natal.

Komentáriu hanesan ho parte da’uluk ka da’ rua.
 

Labels:

Comments

Post a Comment

Popular posts from this blog

WANITA MUSLIM SEMBUH SETELAH MELIHAT YESUS

"Saya tidak pernah mengalami hal ini sebelumnya". Seydath (nama fiktif untuk alasan keamanan) tumbuh di sebuah keluarga Muslim miskin di Asia Tengah, yang sering mengalami pelecehan dari ayah tirinya. Pada usia 13, ia diperkenalkan pada seorang Arab tua yang memiliki banyak kekayaan di Timur Tengah. Bahkan dengan enggan, dia dibebaskan untuk menikahi pria itu dan menjadi istri kelimanya, meskipun dia lebih muda dari cucunya. Empat tahun kemudian orang tua itu meninggal dan Seydath dipaksa menjadi pelayan istri-istri lain dan anak-anak mereka. Seiring berlalunya tahun, ia mengalami situasi yang paling sulit dalam kondisi hidupnya. Pada usia 40, Seydath mengalami sakit punggung yang parah dan harus meminta bantuan di rumah sakit setempat. Namun, alasan rasa sakitnya lebih parah dari yang diperkirakan - dia didiagnosis menderita kanker tulang stadium akhir. Seydath harus dirawat di rumah sakit segera, tanpa dukungan dari anggota keluarganya. Selain sakit fisik, ia menjadi...
1 comment
Read more

SAUN FRANSISKU ASSIS NIA KARTA DA’RUA BA SARANI SIRA

TEISTU             Iha Nai nia naran, Aman, no Oan, no Espíritu Santu. Amen.                 1 Ba kristaun hotu, relijiozu sira, kléru sira, no leigu hotu, feto no mane, ba hotu-hotu nebé hela iha mundu ne’e, maun Fransisku, atan no imi nia servinain, ható respeitu no hakrúk, dame nebé lós husi lalehan no karidadi nebé ho laran-mós iha Nai. 2 Tanba hau ne’e ema hotu nia atan, ne’e duni hau iha obrigasaun serví sira no ható hau nia Nai nia liafuan nebé morin-wain ba ema hotu. 3 Maibé, hau mesak labele vizita ema ida-ida tanba hau nia isin fraku no moras. Tanba ne’e, wainhira tetu tiha buat sira ne’e hotu, hau disidi hodi hakerek karta ne’e no menzajeiru haklaken ba imi, ita Nai Jezus Kristu nia liafuan, nebé nudar Aman nia liafuan, no Espíritu Santu nia liafuan. Liafuan ne’e mak espíritu no moris (Ju 6, 64).        ...
Post a Comment
Read more

NOVENA AVE MARIA TOLU

Hakneak, hahú loke Novena ne’e ho: Kredo no Ami Aman ida (Hato’o ita nia pedidu............) Nain feto Maria, Virjen kbi’it-nain, ba ita buat hotu bele deit. Tanba kbi’it ne’ebé Nai Maromak Kbi’it-Nain haraik ba ita. Ho laran no fiar metin, hau husu ita nia tulun iha susar ida ne’e, Inan keta hosik hau mesak. Tanba hau fiar tebtebes katak, Inan sei tulun duni hau. Maski iha susar laran ne’ebé difísil, ne’ebé la iha ona esperansa, ita nafatin sai hau nia mediadora ba ita nia Oan Mane, Jezus Kristu. Tanba Maromak nia Majestade, hau nia hakru’uk ba ita no mós ba hau nia klamar nia salvasaun sei aumenta wain-hira Inan Santa simu hotu hau nia pedidu ne’e. Tanba nia, wain-hira hau nia pedidu ne’e sai lolos duni tuir ita nia Oan Mane nia hakaran, ho laran hau husu, oh Inan Santa Maria, hato’o hela ba, hau nia pedidu hirak ne’e hotu ba ita nia Oan Mane, Kristu Jezus, ne’ebé sei la dudu ses ita hosi Nia Futar-Oin. Hau nia esperansa boot tebetebes ba ita. Tanba kbi’it ne’ebé la i...
Post a Comment
Read more