Skip to main content

OFISIU NAI JESUS KRISTU NIA TERUS (ONJKT - V)





PARTE DA'LIMA

Iha tempu Nai nia Natal tó Oitava Epifania


Ba ofisiu Vésperas

Antifona: Virjen Santa Maria.

Salmu 15

1Tebe no dahur ba Maromak ita nia salvanain*
tebe no dahur ba ho hananu ksolok nian
ba Nai Maromak nebé moris no lós (Sal 42, 6).

2Tanba Nai Leten Ás*
Liurai boot no kbiit wain iha mundu tomak (Sal 46, 3).

3Tanba Aman Santu Liu iha Lalehan,
Ita nia Liurai rohan-laek
haruka tiha ona Nia Oan Mane Doben liu husi fatin ás*
no moris husi Virjen Santa Maria nebé rahun-diak.


4Nia mos halerik ba Hau:
Ita mak hau Nia Aman*
no Hau mos sei foti Nia sai oan-mane ma’uluk,
no sai ás-liu liurai sira hotu iha rai (Sal Sal 88, 27-28).

5Iha loron nebá Nai haruka Nia fuan-domin*
no iha kalan hau hananu knananuk ba Nia (Sal 41, 9).

6Ida ne’e mak loron nebé Nai halo*
mai ita tebe no dahur no haksolok ho nia (Sal 117, 24).

7Tanba Oan Mane Doben liu nebé santu tebes
Fó tiha ona mai ita no moris ona mai ita nebé
lao dau-daun iha dalan no hatoba iha animal han fatin*
tanba laiha fatin ba Nia iha uma toba fatin sira (Luk 2, 7).

8Glória ba Nai Maromak iha fatin ás ba*
no dame-diak iha mundu ba ema nebé iha hakarak diak (Luk 2, 14).

9Husik ba lalehan no rai tebe no dahur
husik tasi no buat hotu iha laran tarutu ba*
husik rai-tetuk no buat hotu nebé iha nia laran bidu ba (Sal 95, 11-12).

10Hananu ba Nia knananuk foun*
hananu ba Nai, hai mundu tomak (Sal 95, 1).

11Tanba Nai soberanu no murak-wain*
Nia kbiit-wain tebes liu maromak hotu (Sal 95, 4).

12Fó ba Nai, hai família tomak iha rai-klaran,
fó ba Nai glória no onra*
fó glória ba Nai tanba Nia naran (Sal 95, 7-8).  

13Hasae imi nia isin ba,
no leba Nia kruz santa*
no moris tuir Nia ukun-fuan sira
nebé santu liu tó rohan (Rom 12, 1; Luk 14, 27; 1Ped 2, 21).

Notas:
Salmu sira ne’e reza iha oras ofisiu hotu, hahu husi Nai Nia Natal tó oitava Epifania.

Komentáriu hanesan ho parte da’uluk ka da’ rua.
 


Labels:

Comments

Post a Comment

Popular posts from this blog

NOVENA AVE MARIA TOLU

Hakneak, hahú loke Novena ne’e ho: Kredo no Ami Aman ida (Hato’o ita nia pedidu............) Nain feto Maria, Virjen kbi’it-nain, ba ita buat hotu bele deit. Tanba kbi’it ne’ebé Nai Maromak Kbi’it-Nain haraik ba ita. Ho laran no fiar metin, hau husu ita nia tulun iha susar ida ne’e, Inan keta hosik hau mesak. Tanba hau fiar tebtebes katak, Inan sei tulun duni hau. Maski iha susar laran ne’ebé difísil, ne’ebé la iha ona esperansa, ita nafatin sai hau nia mediadora ba ita nia Oan Mane, Jezus Kristu. Tanba Maromak nia Majestade, hau nia hakru’uk ba ita no mós ba hau nia klamar nia salvasaun sei aumenta wain-hira Inan Santa simu hotu hau nia pedidu ne’e. Tanba nia, wain-hira hau nia pedidu ne’e sai lolos duni tuir ita nia Oan Mane nia hakaran, ho laran hau husu, oh Inan Santa Maria, hato’o hela ba, hau nia pedidu hirak ne’e hotu ba ita nia Oan Mane, Kristu Jezus, ne’ebé sei la dudu ses ita hosi Nia Futar-Oin. Hau nia esperansa boot tebetebes ba ita. Tanba kbi’it ne’ebé la i...
Post a Comment
Read more

OIN-SA HAHÍ NAIN FETO MARIA

- SAUDASAUN BA VIRJEN SANTA MARIA (SVSM) -                                   (Hahí Inan   Virjen Maria) TEISTU 1 Salve, Inan santa Liurai-Feto, Maromak Nia Inan Santa, Maria, virjen nebé hanesan no tanba Igreja. 2 Aman Santu Liu iha lalehan hili nia, no hasanta nia hamutuk ho Nia Oan Mane Santu Tebes no Espíritu Santu Masolok.        3 Iha ita-an hori-otas no tó oras ne’e nakonu ho grasa wain-basuk no buat kdiak tomak. 4 Salve, Maromak Nia hela fatin! Salve, Maromak Nia tabernákulu! Salve, Maromak Nia uma! 5 Salve, Maromak Nia hatais! Salve, Maromak Nia inan! 6 No imi, virtudi santa sira hotu, nebé tanba grasa no Espíritu Santu nia-roman tun ba ema fiar nain sira nia fuan-laran, hodi halo sira nebé fiar-la metin sai fiar-metin ba Maromak.   KOMENTÁRIU ...
Post a Comment
Read more

NOVENA LORON 9 BA SAUN FRANSISKU HOSI ASSIS

                                      H U SU SAUN FRANSISKU HUSI ASSIS NIA TULUN *(Hahu novena ne’e ho halo konfisaun pesoál uluk ba nai-lulik ne'ebé besik ita nia parókia)             Saun Fransisku ne'ebé ami hadomi, uluk ita moris a'at hanesan bandidu no goza ita nia moris tun-sa'e. Maibé, ita bo'ot bele konverte, hahú moris foun ho haraik-an, simples no moris ki'ak tanba Jezus Kristu. Ita nia domin ba Jezus Krusifikadu nebé kle'an no lakan makás, halo Jezus ne’e fó Nia Kanek Lima ba ita nu'udar sinál ita bo'ot nia unifikasaun ho Kristu.              Iha sékulu ida hanesan oras ne’e, ema fó valor liu ba moris edonista, egoista, individualista no materialista, ne’e mak halo ami presiza tebetebes ita bo'ot nia sigredu ne'ebé dada ema feto no mane wain hodi moris tuir i...
2 comments
Read more