SPIRITUAL

PARTE DA'LIMA Iha tempu Nai nia Natal tó Oitava Epifania Ba ofisiu Vésperas Antifona: Virjen Santa Maria. Salmu 15 1 Tebe no dahur ba Maromak ita nia salvanain* tebe no dahur ba ho hananu ksolok nian ba Nai Maromak nebé moris no lós (Sal 42, 6). 2 Tanba Nai Leten Ás* Liurai boot no kbiit wain iha mundu tomak (Sal 46, 3). 3 Tanba Aman Santu Liu iha Lalehan, Ita nia Liurai rohan-laek haruka tiha ona Nia Oan Mane Doben liu husi fatin ás* no moris husi Virjen Santa Maria nebé rahun-diak. 4 Nia mos halerik ba Hau: Ita mak hau Nia Aman* no Hau mos sei foti Nia sai oan-mane ma’uluk, no sai ás-liu liurai sira hotu iha rai (Sal Sal 88, 27-28). 5 Iha loron nebá Nai haruka Nia fuan-domin* no iha kalan hau hananu knananuk ba Nia (Sal 41, 9). 6 Ida ne’e mak loron nebé Nai halo* mai ita tebe no dahur no haksolok ho nia (Sal 117, 24). 7 Tanba Oan Mane Doben liu nebé santu tebes Fó tiha ona mai ita no moris ona mai ita nebé lao dau-daun iha dalan no hatoba iha animal han ...

PARTE DA' HAT Iha tempu Nai nia Adventu Salmu sira ne’e mos ita nia aman Saun Fransisku mak forma, nudar troka salmu sira husi Ita Nai Jezus nia terus iha leten, hahu husi tempu Nai nia Adventu tó vijilia Natal deit. Ba ofisiu Kompletas Antifona: Virjen Santa Maria. Salmu 13 1 Tó bainhira tan, Nai, Ita haluha hela deit hau* tó bainhira tan Ita hases Ita oin husi hau? (Sal 12, 1). 2 Tó bainhira hau tenki rai moras ne’e iha hau nia laran* no laran-susar duranti loron tomak? (Salmu 12, 2).    3 Tó bainhira tan hau nia funu-maluk foti-an hasoru hau? hateke mai no rona hau ba, oh Nai, hau nia Maromak! (Sal 12, 4). 4 Fó naroman ba hau nia matan, atu hau la hatoba-an iha mate laran* atu hau nia funu-maluk sira la dehan: “Hau halakon tiha nia ona.” (Sal 12, 4). 5 Hau nia funu-maluk sira haklalak wainhira hau atu monu ba rai* maibe iha Ita nia fuan-domin, hau tau laran metin (Sal 12, 5). 6 Hau nia fuan hakarak hananu-haksolok tanba Ita nia salvasaun; hau hakara...